Proba Torta de Sarria
Repostería caseira, saudable e de calidade, elaborada con agarimo, pacencia e os mellores ingredientes.
Os nosos produtos
Do obrador saen tres liñas de produto: Receita tradicional como poden ser Almendrados, Cocos, Mazapán,… feitos coas receitas de sempre. Receita innovadora: Veganiñas (galleta vegana), Berveniñas (de herbaluisa), Almendrados sen azucre, estrelamp@s…elaboradas con recetas propias que son froito da investigación durante estes anos. E Receita Familiar: Torta de Améndoas e Castañas Val de Sarria.
Unha historia detrás de cada produto
A Torta de Améndoas e Castañas
Torta de améndoas e castañas ¨Val de Sarria¨: é unha receita familiar que miña nai e miña avoa facían para as ocasións especiais, é deses sabores da infancia que levas contigo para sempre, por iso decidín que tiña que ser a estrela da marca; é unha homenaxe ás mulleres da miña familia.
Os nosos amendoados
É unha receita tradicional, destas que case tod@s temos feito alguna vez, é tamén un dos meus doces favoritos por iso tiven claro dende o principio que tiña que estar na miña lista
de produtos. A diferencia con respecto ós que eu comera antes está en que deixo a améndoa en anacos grandes e ó tostarse aporta máis sabor.
Os Estrelamp@s
A nosa filla Xulia ten un coello ¨rex de pelo corto¨ blanco e negro chamado Estrelampo, levaba tempo pedíndome que fixera unha galleta de dúas cores inspirada nel e así naceron estas galletas. Porsuposto o deseño da etiqueta é de Xulia!!!
Repostería Artesá de Sarria: Sabor, Tradición e Innovación
Ola, son Lourdes!
Ola, son Lourdes e son a persoa detrás de Torta de Sarria. Aínda que a miña vida profesional empezou lonxe da repostería, no 2015 decidinme a seguir a miña paixón e vocación pola repostería artesá e crear Torta de Sarria
Repostería Artesá con Raíces Galegas e Sabor Auténtico
